Në datën 20 shtator 2019, Qendra e Karrierës dhe Alumnit (Universiteti “Fan S. Noli”) në bashkëpunim me Federatën Shqiptare të Sportit Universitar, Bashkinë Korçë dhe një sërë bashkëpunëtorësh lokalë, organizon për herë të parë në qytetin e Korçës “Ditën Ndërkombëtare të Sportit Universitar”.

Kjo ditë ka për qëllim të krijojë një lidhje më të ngushtë midis universitetit dhe komunitetit, me qëllim të nxisë tek ata dëshirën për sportin, aktivitetin fizik për një jetë sa më të shëndetshme. Veprimtaritë që do të organizohen në këtë ditë do të krijojnë mundësinë për të shkëmbyer idetë, praktikat më të mira, sfidat dhe mundësitë brenda dhe përmes sportit universitar në të gjithë Shqipërinë.

Universiteti “Fan S. Noli” ju fton të bëheni pjesë e veprimtarive më të rëndësishme sportive të ogranizuara në kuadër të Ditës Ndërkombëtare të Sportit Universitar

Motoja e IDUS: Yjet e sotëm, udhëheqesit e së nesërmes