STUDENTËT E UNIKO-TAKIM ME SHKRIMTAREN FLOGERTA KRYPI

Ne datën 19 prill 2019, në mjediset e Bibliotekës Shkencore të UNIKO u zhvillua një bashkëbisedim mes studentëve dhe shkrimtares shqiptare me banim në Gjermani, Flogerta Krypi, rreth librit të saj të fundit “Gjithçka rreth asgjësë”. Ky takim u organizua në bashkëpunim me Qendrën Rinore Korçë pas interesit që treguan studentët dhe vetë shkrimtarja për të bashkëbiseduar me ta rreth këtij romani, i cili tërhoqi vëmendjen e tyre.
Shkrimtarja Krypi me këtë botim mori pjesë në “Panairin e Librit 2018”, ku u vlerësua me çmimin  inkurajues për origjinalitetin në përshkrimin e njerëzores.