STAFI AKADEMIK DHE PUNONJËS TË UNIKO-NDIHMA ME USHQIME PËR BANORËT E PREKUR NGA TËRMETI I 1 QERSHORIT NË FSHATIN FLOQ

Në datën 9 gusht 2019, një grup punonjësish i Universitetit “Fan S. Noli” ishin në fshatin Floq të Korçës, ku u takuan me banorët e prekur nga tërmeti i 1 qershorit dhe shpërndanë ndihma ushqimore për familjet që aktualisht janë strehuar në shkollën e fshatit. Gjatë takimit, banorët falënderuan rektorin, prof. dr. Ali Jashari, stafin akademik dhe punonjësit e UNIKO, të cilët me kontributin e tyre mundësuan blerjen dhe përgatitjen e rreth 100 pakove me ushqime, si: vaj, sheqer, oriz, miell etj. për këto familje. Stafi i Universitetit të Korçës nëpërmjet kësaj fushate ndërgjegjësuese shpreh mbështetjen dhe solidarizohet me banorët, duke qenë pranë tyre në këto ditë të vështira që po kalojnë.